News
Woche
Usflug zu de Strusse uf Ifwil
I dere Wuche hämer mit oisne Zwergli was bsundrigs gmacht. Am Morge wos cho sind isch ufem Platz scho de Nils am Wägeli parat gstande und het uf alli gwartet. Nach em Begrüssigslied het de Nils alli Chinde uf Ifwil gfahre. Dete sind mir vo de Familie Schwager erwartet worde. Claudia het ois viel Infos vo de Strusse über Haltig, Füetterig, Uslauf und vieles meh verzellt. Sehr idrücklich sind die riese Eier gsie zum aluege und alange. Nach em gmüetliche Znüni im Stall händ mir ois mit em Nils wider uf de Heiweg gmacht.
Samstag 7.9.2019
Dorffest Guntershausen
Oisi Spielgruppetierli, die zwei Zwerggeisli de Ferdi + Zita und Oisi Wullesäuli de Fusel und d Krümel sind au am Dorffest debi gsie.
Die 4 sind vo vielne Chinde gfuettered und gstreichled worde, sie händ da i volle Züge gnosse😊
Samstag 29.6.2019
Hammer Geschenk
Wow mir sind am Abschlussfest vo oisne Feldzwergli überrascht worde. Mi händ es mega toll selber bauts Biendlihüsli mit allne Händabdrück vo oisne Zwergli becho. Danke viel viel mol. Es isch e tolls Jahr gsie😍
Samstag 29.6.2019
Abschlussfest
Wow oises Spielgruppejahr gad scho zänd. Mir händ e tolls Jahr mit tolle Kind dörfe erläbe. Jedes einzene het en grosse Schritt gmacht i dem Johr. Zum Abschlussfest händ alli Kind mit ihrere Familie dörfe es Parcour mit Pöste dörfe mache. Toll isches gsie.. mir wünsched allne wo in Chindsgi chemed en guete Start. Mir freued eus noch de Summerferie uf die neue und bekannte Gsichtli zbegrüsse.
Donnerstag 10.1.2019
Mit em Bob durch de Schnee
Da es über d Nacht uf de Dunstig so viel Schnee geh het, händ mir denkt das mümer usnütze :)
Mi händ oieses Pony de Nils igschired und alli Böb a ihm aghenkt und sind so dur de Schnee gflitzt.
Es het richtig gfätzt.. hoffemer das am Zistig den immerno so viel Schnee het,
dasmer da Abentüür mit de Zistigfeldzwergli chend wiederhole.
Sonntag 09.12.2018
Wunderschöns Adventsfenster
Au wen s Wetter ned so wele het wie mir... de Alass mit oisne Zwergli isch super glunge.
Nochem z Vieri und bastle vom Fenster sind alli mit ihren Laterndli zu de Veranda glofe um det es Gschichtli zlose. Nochem bestuhne vom schöne Fenster hemer bi Suppe und Chueche de Obig usklinge loh.
Dienstag 18.09.2018 und Donnerstag 20.09.2018
I dere Wuche händ oisi Feldzwergli oisi zwei Wullesäuli
tauft. Die zwei heissed etzt Krümel und Fusel.
Donnerstag 6.9.2018 und Dienstag 11.9.2018
"Hopp Hopp Hopp... Nils lauf Galopp"
Die zwei Spielgruppemörge sind chli bsundrigs gsie... am morge hät Patricia ihres Pony de Nils igspannt und alli Feldzwergli händ dörfe ufs Ponywägeli höckle. De Nils het alli in Wald uh gfahre wo mir den oises Znünipäuseli uf em Benkli gmacht händ.
Nach de stärchig im Wald händ mir ois den wider uf de Zruggweg gmacht.
Tolle Usflug isch da gsie mit em Nils.
Freitag 17.8.2018
Grunz Grunz... mir sind da. Hüt sind bi ois 2 Wullesäuli izoge.
Es Wiibli und en Bueb. Mol luege was di zwei den für en Name bechömed ;)
Dienstag 14.8.2018 und Donnerstag 16.8.2018
Juhuuuu....Buuurehofspielgruppe gad los..
Die Wuche händ 19 chlini Feldzwergli bi ois Spielgruppe gstartet.
Mi händ gsunge, tanzt, Eier usgnoh, Tierli gfuetteret und scho de ersti Most us Öpfel vom Brändlehof gmacht.
Montag 16.7.2018
Hüt sind oisi Geissli de Ferdi und Zita vo Mettmenstetten ih ihre noie dihei mit de Hühner zeme izoge.
Donnerstag 12.7.2018
"Hura hura de Sand isch da" :)
Mittwoch 4.7.2018
Hüt händs s`Netz am Chliitierghäge montiert.
Jetzt könnd Hühner und Geissen ihzieh.
Samstag 16.6.2018
En neue Schritt für d`Erlbenislandschaft vo oisere Bauernhofspielgruppe ist gschaft. Hüt händ die "starke Gunterhausermanne" de Ushub für de riese Sandkasten mit Schuufle und Bagger gemacht.
Samstag 9.6.2018
Mit liebe freiwilige Helfer händ mir de alti Hühnerhagg abgrumt,
das am Mentag 11.6.2018 den Pfähl iibetoniert werden könnd.
